ՀՐԱԶԴԱՆԻ ՔԱՂԱՔԱՊԵՏԱՐԱՆ

Ավագանու նիստ

30/11/2016

Այսօր, համայնքապետարանի նիստերի դահլիճում անցկացվեց Հրազդան համայնքի նորընտիր ավագանու անդրանիկ նիստը:Համայնքի ղեկավար Արամ Դանիելյանը ողջունեց ներկաներին և ներկայացրեց ավագանու անդամներին` կարդալով յուրաքանչյուրի անուն  ազգանունը, մասնագիտությունը և կուսակցական պատկանելությունը: Նորընտիր  ավագանու անդամներից յուրաքանչյուրը  երդվեց հանդիսավոր կերպով իր ողջ գործունեության ընթացքում առաջնորդվել Հայաստանի Հանրապետության Սահմանադրությամբ ու օրենքով, պահպանելով Հայաստանի Հանրապետության  քաղաքացու իրավունքներն ու ազատությունները, գործել ի նպաստ համայնքի զարգացման ու բարօրության: Երդման ընթերցումից հետո ավագանու անդամները ստորագրեցին ընթերցած տեքստը,  անցան նիստի օրակարգի քննարկմանը և հաստատեցին այն:

Օրակարգի առաջին հարցը վերաբերում էր համայնքին սեփականության իրավունքով պատկանող բնակավայրերի և նպատակային նշանակության հողամասերի վարձակալության պայմանագրերը վերակնքելուն  և տարեկան վարձաչափերը սահմանելուն,: Համայնքի ավագանին որոշեց թույլատրել վերակնքել օրակարգում տեղ գտած պայմանագրերը: Որոշվեց նաև զեղչել Երվանդ Քոչարի անվան մանկական արվեստի դպրոց հաճախող երեք երեխաների վարձավճարներ` մեկ տարի ժամկետով` 50%-ի չափով: Զեղչվեց նաև թիվ 12 մանկապարտեզ հաճախող մեկ  երեխայի վարձավճար ևս: Որոշվեց  Հրազդանի համայնքապետարանի ենթակայության մշակույթի կենտրոնի, սպորտային հիմնարկների հաստիքացուցակը,  պաշտոնային դրույքաչափերը և կանոնադրությունը հաստատելու կարգը:
 


Վերադարձ




© 2011 Կայքը պատրաստեց TermIT ընկերությունը