Հրազդան համայնքը հայտարարում է Հրազդան քաղաքի Սպանդարյան փողոց 49 շենք հասցեում գտնվող համայնքային սեփականության իրավունքով պատկանող ոչ բնակելի շենքի և դրա սպասարկման և պահպանման համար նախատեսված գույքի աճուրդ–վաճառք:

Աճուրդային կարգով օտարման է ներկայացվում․
/Լոտ 1/ ՀՀ Կոտայքի մարզ, Հրազդան համայնք, քաղաք Հրազդան, Սպանդարյան փողոց 49 շենք հասցեում գտնվող հասարակական նշանակության ոչ բնակելի շենքը և դրա սպասարկման և պահպանման համար նախատեսված 2970 քմ մակերեսով տարածքը 19 700 000 (տասնինը միլիոն յոթ հարյուր հազար) ՀՀ դրամ մեկնարկային գնով: Աճուրդում դրված գույքի նկատմամբ սերվիտուտներ և այլ սահմանափակումներ չկան, այն հարում է հաղորդակցության ուղիներին: Աճուրդի նախավճարը սահմանվում է գույքի մեկնարկային գնի 50 տոկոսի: Աճուրդին մասնակցելու համար անհրաժեշտ է ներկայացնել. ա)հայտ բ)աճուրդին մասնակցության համար սահմանված դրամի չափով վճարի անդորրագիր գ)անձնագիր, իրավաբանական անձանց համար հիմնադիր փաստաթղթերը: Աճուրդի դրված գույքին մասնակիցները կարող են ծանոթանալ Հրազդանի համայքապետարանի աշխատակազմում մինչև հայտերի ընդունման վերջնաժամկետի օրը՝ յուրաքանչյուր երեքշաբթի, չորեքշաբթի և ուրբաթ օրերին՝ ժամը 10:00-17:00 ընկած ժամանակահատվածում:

Աճուրդի նախավճարը սահմանվում է գույքի մեկնարկային գնի 50 տոկոսի չափով, գույքի քայլի չափը՝ մեկնարկային գնի 5 տոկոսի չափով։ Աճուրդի մասնակցության մուտքի վճարը՝ 10 000 ՀՀ դրամ:Աճուրդում հաղթող է ճանաչվում ամենաբարձր գին առաջարկած մասնակիցը: Աճուրդը կկայանա 2023 թվականի հուլիսի 03-ին ժամը 15:00-ին Հրազդանի համայնքապետարանում (հասցե` Ք. Հրազդան, Կենտրոն թաղամաս, Սահմանադրության հրապարակ 1)։
Աճուրդին մասնակցելու հայտերի ընդունումը դադարեցվում է մրցույթի անցկացման օրվանից 3 աշխատանքային օր առաջ:
Հեռ.(060) 70-40-16